531

Quantum glorificavit se, et in delitiis fuit, tantum date illi tormentum et luctum; quia in corde suo dicit: Sedeo regina, et vidua non sum, et luctum non videbo. Ideo in una dia venient plagæ ejus, mors, et luctus, et fames, et igne comburetur; quia fortis est Deus, qui judicabit illam. -Apoc. XVIII, 7, 8.

532

Reddite ei secundum opus suum, juxta omnia quæ fecit, facite illi. -Jerem. L, 29.

533

Reddite illi sicut et ipsi reddidit vobis, et duplicate duplicia secundum opera ejus. -Apoc. XVIII, 6.

534

Quæ habitas super aquas multas, locuples in thesauris. -Jerem. LI, 13.

535

Veni, ostendam tibi damnationem meretricis magnæ, quæ sedet super aquas multas. -Apoc. XVII, 1.

536

Subito cecidit Babylon, et contrita est. -Jerem. LI, 8.

537

Et post hæc vidi alium angelum descendentem de cœlo, habentem potestatem magnam, et terra illuminata est a gloria ejus. Et exclamavit in fortitudine, dicens: Cecidit, cecidit Babylon magna, etc. Et alius angelus secutus est dicens: Cecidit, cecidit Babylon illa magna... Cecidit, cecidit Babylon. -Apoc. XVIII, 1, 2; et XIV, 8; et Isai. XXI, 9.

538

Fugite de medio Babylonis, et salvet unusquisque animam suam... Egredimini de medio ejus, populus meus, ut salvet unusquisque animam suam ab ira furoris Domini. -Jerem. LI, 6 et 45.

539

Et audivi aliam vocem de cœlo, dicentem: Exite de illa, populus meus, ut ne participes sitis delictorum ejus, et de plagis ejus non accipiatis. -Apoc. XVIII, 4.

540

Caliz aureus Babylon in manu Domini, inebrians omnem terram; de vino ejus biberunt gentes, et ideo commotæ sunt. -Jerem. LI, 7.