 
Non punto se discordaron | ||||
| El çielo e naturaleça, | ||||
| Señora, quando criaron | ||||
| Vuestra plaçiente belleça: | ||||
| Quisieron e demostraron | ||||
| Su manífica largueça, | ||||
| Segunt vos proporçionaron | ||||
| E ornaron de gentileça. | ||||
| Después de la más çercana | ||||
| A la fama en fermosura, | ||||
| Qu'es más divina que humana, | ||||
| Visto su gesto e figura, | ||||
| vos, señora doña Johana, | ||||
| Soys la más gentil criatura | ||||
| De quantas actor explana, | ||||
| Nin poeta en escriptura. | ||||
| Non se piensen, nin pensedes | ||||
| Que vos fablo por amores; | ||||
| Mas porque vos meresçedes | ||||
| Muy más insines loores: | ||||
| Que Amor, graçias e merçedes | ||||
| Tantos tengo de dolores | ||||
| Que si saberlo queredes, | ||||
| Plañiredes mis langores. | ||||
| Miren vuestra compañía | ||||
| E verán vuestra exçelençia, | ||||
| Generosa fidalguía | ||||
| E gallarda continençia; | ||||
| Honestat e poliçía | ||||
| Vos aguardan e prudençia: | ||||
| Çertas más vos loaría, | ||||
| Si bastase mi sçiençia. | ||||
| Segunt vuestra loçanía | ||||
| Bien vale la conseqüençia: | ||||
| Perdonat por cortesía | ||||
| La torpe e ruda eloqüençia. | ||||