No las cita Jaffé²³¹.

Eugenius episcopus, servus servorum dei venerabili fratri Raimundo, toletano archiepiscopo, eiusque successoribus canonice substituendis in perpetuum.

Pie postulatio voluntatis effectu debet prosequente compleri, ut et fidelis devotio laudabiliter enitescat et utilitas postulata vires indubitanter assumat. Quocirca, venerabilis frater, archiepiscope²³⁴, tuis iustis postulationibus clementer annuimus; et Toletanam ecclesiam, cui deo auctore preesse dinosceris, sub beati Petri et nostra protectione suscipimus, et presentis scripti privilegio communimus; Statuentes ut universi parrochie tue fines, qui iam deo auctore a christicolis habitantur, vol qui in futurum a saracenorum potestate auxiliante domino eripientur, omnino integri tam tibi quam tuis successoribus in perpetuum conserventur. Nomina vero opidorum, que in tua diocesi a dei fidelibus incoluntur in presenti pagina daximus annotanda: Talavera, Alfamim²³⁵, Maqueda, Sancta Eulalia, Ulmus, Canales, Mageritum, Alkala, Godelfaiara, Fita, Pennafora, Belegna²³⁶, Uzeda, Talamanca, Butracum, Calatalifa, Eskalona, Zurita, Kalatrava. Confirmamus etiam tibi et ecclesie tue ecclesiam sanctorum iusti et pastoris, Ecclesiam sancte Marie de Antochio, Ecclesiam sancte Marie de Batris, Ecclesiam sancti vincentii de Monte; Ecclesiam sancte Marie de valle ecclesiarum, Ecclesiam sancte Marie de Balat almelc; Castrum quoque Alkala, Castrum Canales cum pertinentiis eorum; Domum regine in toleto cum hereditate sibi pertinente, Domum Sancie sororis Regis An[defonsi] cum hereditate patris sui Raimundi comitis, quam ipsa consensu fratris sui tibi et ecclesie tue donavit et scripto firmavit; Medietatem salinarum de Buluchion; decimas etiam omnium Regalium reddituum in Toleto, Talavera, Magerito et Godefaiara, quas Rex A(ndefonsus) iunior Bernardo antecessori tuo et prefate ecclesie, matre sua regina Urraca favente, liberaliter donavit et testamenti sui serie confirmavit. Quascumque preterea possessiones, quecumque bona gloriosi Hyspaniarum reges et alii fideles eidem ecclesie contulerunt, et que aliis iustis modis eadem ecclesia possidet, aut in futurum deo propitio poterit adipisci, illibata tam tibi quam tuis successoribus conservari sancimus.

Decernimus ergo ut nulli omnino hominum liceat Toletanam ecclesiam temere perturbare, aut eius possessiones auferre vel ablatas retinere, minuere, vel temerariis vexationibus fatigare; Sed omnia integre conserventur tam tibi quam clericorum et pauperum usibus profutura, Salva sedis apostolice auctoritate. Siqua igitur in futurum ecclesiastica secularisve persona hanc nostre constitutionis paginam sciens, contra eam temere venire temptaverit, secundo tertiove commonita si non satisfactione congrua emendaverit, potestatis honorisque sui dignitate careat, reamque se divino iudicio existere de perpetrata iniquitate cognoscat, et a sacratissimo corpore ac sanguine dei et domini nostri ihesu christi aliena fiat, atque in extremo examine districte ultioni subiaceat. Cunctis autem eidem ecclesie sua iura servantibus sit pax domini nostri ihesu christi, quatenus et hic fructum bone actionis percipiant, et apud districtum iudicem premia eterne pacis inveniant, Amen, Amen, Amen. BENE VALETE.

Fac mecum, domine, signum in bonum Sanctus Petrus.

Sanctus Paulus. Eugenius papa III.

Ego Eugenitus catholice ecclesie episcopus subscribo.

Ego Imarus, Tusculanus episcopus subscr.

Ego Hubaldus, presbiter cardinalis, tit. sancte Praxedis, subscr.

Ego Gillibertus, presbiter cardinalis, tit. sancti Marci, subscr.

Ego Hugo, presbiter cardinalis, tit. in lucina, subscr.

Ego Oddo, diaconus cardinalis sancti Georgii ad velum aureum, subscr.

Ego Octavianus, diaconus cardinalis sancti Nicholay in carcere tulliano, subscr.

Ego Johannes paparo, diaconus cardinalis sancti Adriani, subscr.

Ego Johannes, diaconus cardinalis sancte Marie Nove, subscr.

Datum Remis peu manum Guidonis, sancte Romane ecclesie diaconi cardinalis et cancellarii, XVI kalendas Madii, Indictione XI, Incarnationis dominice anno M.C.XLVIII. Pontificatus vero domini Eugenii III pape Anno Quarto.

Cortóse y desapareció el sello ó bula de plomo. Queda la presilla de hilos de seda, color de rosa y amarillo.

2) Anagni, 25 Febrero 1161. Bula de Alejandro III. - Liber privilegiorum, fol. 80 vuelto, 81 recto.

Alexander Episcopus, servus servorum dei, venerabili frati Johanni Toletano Archiepiscopo eiusque successoribus Canonice substituendis in perpetuum.

Pie postulatio voluntatis effectu debet prosequente compleri, ut et fidelis devotio laudabiliter enitescat et utilitas postulata vires indubitanter assumat. Quocirca, venerabilis in christo frater Archiepiscope, tuis iustis postulationibus clementer annuimus, et vestigiis predecessorum nostrorum, felicis memorie, Eugenii et Adriani²³⁷ Romanorum pontificum inherentes, Toletanam ecclesiam, cui deo auctore preesse dinosceris, sub Beati Petri et nostra protectione suscipimus, et presentis scripti privilegio communimus; Statuentes ut universi parrochie tue fines, qui iam deo auctore a christicolis habitantur vel qui in futurum a Sarracenorum potestate auxiliante domino eripientur, omnino integri tam tibi quam tuis successoribus in perpetuum conserventur. Nomina vero opidorum, que in tua dyocesi a dei fidelibus incoluntur, in presenti pagina duximus annotanda: Talavera, Alfamim, Maqueda, Sancta eulalia, Ulmus, Canales, Magerritus²³⁸, Alkala, Godelfaiara, Fita, Pennafora, Belegna, Uzeda, Talamnca, Butracum, Calatalifa, Escalona, Zurita, Calatrava. Confirmamus etiam tibi et ecclesie tue Ecclesiam Sanctorum Iusti et Pastoris, Ecclesiam Sancte Marie de Antochio, Ecclesiam Sancte Marie de Batris, Ecclesiam Sancti Vincentii de Monte, Ecclesiam Sancte Marie de Valle ecclesiarum, Ecclesiam Sancte Marie de Balatalmelc; Castrum quoque alkala, Castrum Canales cum pertinenciis eorum; domum Regine in Toleto cum hereditate sibi pertinente, Domum Santie sororis Regis An[fonsi] cum²³⁹ hereditate   —219→   patris sui Raymundi comitis, quem ipsa consensu fratris sui ecclesie tue donavit et scripto firmavit; Medietatem salinarum de Buluchion; Decimas etiam omnium regalium redituum in Toleto, Talavera, Magerrito et Godelfaiara, quas rex A[nfonsus] iunior Bernardo antecessori tuo et prefate ecclesie, matre sua Regina Urraca faver te, liberaliter donavit et testamenti sui serie confirmavit. Quascumque preterea possessiones, quecumque bona Gloriosi yspaniarum Reges et alii fideles eidem ecclesie contulerunt, et que aliis iustis modis eadem ecclesia possidet aut in futurum deo propitio poterit adipisci, illibata tam tibi quam tuis successoribus conservari sancimus.

Decernimus ergo ut nulli omnino hominum liceat Toletanam ecclesiam temere perturbare, aut eius possessiones auferre, vel ablatas retinere, minuere, vel temerariis vexationibus fatigare; Set omnia integra conserventur tam tibi quam clericorum et pauperum usibus profutura, Salva Sedis apostolice auctoritate. Siqua igitur in futurum ecclesiastica secularisve persona hanc nostre constitutionis paginam sciens, contra eam temere venire temptaverit, secundo terciove commonita si non satisfactione congrua emendaverit, potestatis honorisque sui dignitale careat, reamque se divino iudicio existere de perpetrata iniquitate cognoscat, et a Sacratissimo corpore ac sanguine dei et domini nostri ihesti christi aliena fiat, atque in extremo examine districte ultioni subiaceat. Cunctis autem eidem ecclesie sua iura servantibus sit pax domini nostri ihesu christi, quatenus et hic fructum bone actionis percipiant et apud districtum iudicem premia eterne pacis inveniant. Amen.

Ego Alexander, catholice ecclesie episcopus, subscribo.

Ego Hubaldus, Hostiensis Episcopus, subs.

Ego Julius, prenestinus Episcopus, subs.

Ego Bernardus, Portuensis et Sancte Rufine Episcopus, subs.

Ego Astaldus, presbiter Cardinalis tit. Sancte prisce, subs.

Ego Johannes, presbiter Cardinalis tit. Sancte Anastasie, subs.

Ego Oddo, diaconus Cardinalis Sancti Georgii ad velum aureum, subs.

Ego Jacintus, diaconus Cardinalis Sancte Marie in cosmydyn, subs.

Ego Arditio, diaconus Cardinalis sancti Theodori, subs.

Ego Petrus, diaconus Cardinalis Sancti Eustatii iuxta templum agrippe, subs.

Ego Johannes, diaconus Cardinalis Sancte Marie in porticu, subs.

Dat. Anazgnie per manum Hermani, Sancte Romano ecclesie Subdiaconi et notarii, V kalendas Martii, Indictione VIIII, Incarnationis dominice Anno Mº Cº LXº Iº, Pontificatus vero domini Alexandri pape III Anno IIº.

Tan propio era, á la sazón, de la mitra de Toledo el santuario de Atocha, que un año después de haber obtenido el arzobispo D. Juan la bula que se acaba de leer, lo adjudicó (Ecelesiam sancte marie de tocha iuxta magerritum) con todas sus pertenencias ó posesiones á la dotación de la Colegial de Santa Leocadia. El instrumento de fundación y dotación esti fechado en 11 de Marzo de 1162. Tráelo el Liber privilegiorum, fol. 51 recto.

3) Verona, 6 Mayo 1186. Bula de Urbano III. - Liber privil., folio 81vuelto - 82 vuelto.

Urbanus Episcopus, servus servorum dei, venerabili fratri Gundisalvo Toletano Archiepiscopo et Hyspaniarum primati, eiusque successoribus Canonice substituendis, in perpetuum.

Sacrosancta Romana et apostolica ecclesia ab ipso Salvatore omnium, domino ihesu christo, capud et cardo est ecclesiarum constituta. Non decet igitur a capite membrum dissidere, sed eminenti rationi et superne provisioni capitis obedire. Moderatrix autem discretio capitis, singulorum membrorum officiosas considerans, unicuique ius et ordinem a natura constitutum conservat, et quibusque nobilibus venustatis sue dignitatem, sine invidia, sociali caritate custodit. Hac igitur inducti ratione, honorem nobilis et famose Toletane ecclesie, apostolice sedis proprie et specialis filie, volumus conservare. Ideoque, venerabilis frater Gundisalve, quem vera in christo caritate diligimus, tuis rationabilibus postulationibus, paterne pietatis affectu, duximus, annuendum.

Per presentem igitur privilegii paginam, ad exemplar felicis recordationis Alexandri pape predecessoris nostri, primatus dignitatem   —221→   per Hyspaniarum regna tibi et ecclesie Toletane, auctoritate apostolica, confirmamus. Et primatem te presules Hyspaniarum respicient, et ad te, siquid inter eos questione dignum exortum fuerit, referent, Salva tamen in omnibus apostolice sedis auctoritate. Verum personara tuam in manu nostra propensiori gratia retinentes, censemus ut solius Romani pontificis iudicio eius causa, siqua fuerit, decidatur. Sane Toletanam ecclesiam presentis privilegii stabilitate munimus; Complutensem ei parrochiam cum terminis suis, nec non ecclesias omnes, quas iure proprio ab antiquo possedisse cognoscitur, confirmantes. Episcopales preterea sedes, quas in presentiarum iuste et quiete possides, scilicet, Palentiam, Segobiam, Oxomam, Segunciam et Concam, eidem. Toletane ecclesie, tamquam metropoli, subditas esse decernimus. Reliquas vero, que antiquis ei temporibus subiacebant, cum dominus omnipotens christianorum restituerit potestati sue dignatione misericordie, ad capud proprium referendas decreti huius auctoritate sancimus. Porro illarum dioceses civitatum, que Sarracenis invadentibus metropolitanos proprios amiserunt, eo tenore vestre subicimus dicioni, ut quoad sine propriis extiterint, metropolitanis tibi ut proprio debeant subiacere; ita quidem ut in sedibus episcopalibus liberam habeas potestatem episcopos, in castellis vero et villis presbiteros auctoritate nostra instituere, et prout tibi dominus administraverit ordinare; Scilicet tam in his episcopatibus, qui de antiquis ecclesie tue terminis esse noscuntur, quam in illis qui proprium non habuerint metropolitanum. Sique autem metropoles in statum fuerint proprium restitute, sue queque diocesis metropolitano restituatur, ut sub proprii regimine pastoris super divini collatione beneficii glorietur.

Preterea quascumque possessiones, quecumque bona, predicta ecclesia Toletana in presentiarurn iuste et Canonice possidet, aut in futurum concessione pontificum, largitione Regum vel principum, oblatione fidelium seu aliis iustis modis, prestante domino, poterit adipisci, firma tibi tuisque successoribus, et illibata permaneant. In quibus hec propriis duximus exprimenda vocabulis: Ecclesiam Sanctorum Justi et Pastoris, Abbatiam Sancte Leocadie, Ecclesiam Sancte Marie de Tocha, Ecclesiam Sancte Marie   —222→   de Batres, Ecclesiam Sancti Vincentii de monte, Ecclesiam Sancte Marie de Valle ecclesiarum, Ecclesiam sancte Marie de Valdalmelc; Castrum quoque alcala, Castrum Canales, Castrum Alfamin cum pertinenciis eorum; Domun Regine in Toleto cum hereditate sibi pertinente, Domum Sancie sororis illustris memorie regis Aldefonsi cum hereditate patris sui Raymundi comitis, quam ipsa consensu fratris sui ecclesie tue donavit et scripto confirmavit; Decimas quoque omnium regalium reddituum de Sancta eulalia, de Maqueda, de Ascalona. Statuimus etiam ut universi parrochie tue fines, qui iam deo auctore a christicolis habitantur, vel qui in futurum a sarracenorum potestate auxiliante domino eripientur, omnino integri tam tibi quam tuis successoribus in tua dyocesi a dei fidelibus incoluntur, in presenti pagina duximus annotanda: Talavera, Alfamin, Maqueda, Sancta Eulalia, Ulmus, Canales, Mageritum, Alcala, Gadalfaiara, Fita, Pennafora, Belegna, Uzeda, Talamanca, Butracum, Calatalifa, Ascalona, Zurita, Calatrava.

Decernimus ergo ut nulli omnino hominum fas sit pregatam ecclesiam Toletanam temere perturbare, aut eius possessiones auferre, vel ablatas retinere, minuere seu quibuslibet vexationibus fatigare; set omnia integra conserventur eorum, quorum gubernatione ac sustentatione concessa sunt, usibus omnimodis profutura, Salva sedis apostolice auctoritate. Siqua igitur in futurum ecclesiastica secularisve persona hanc nostre constitutionis paginam sciens, contra eam temere venire temptaverit, secundo terciove commonita nisi reatum suum congrua satisfactione correxerit, potestatis honorisque sui dignitate careat, reamque se divino iudicio existere de perpetrata iniquitate cognoscat, et a sacratissimo corpore ac sanguine dei et domini redemptoris nostri ihesu christi aliena fiat, atque in extremo examine districte ultioni subiaceat. Cunctis autem eidem loco sua iura servantibus sit pax domini nostri ihesu christi, quatinus et hic fructum bone actionis percipiant et apund districtum iudicen premia eterne pacis inveniant. Amen.

Ego Urbanus catholice ecclesie episcopus subscribe.

Ego Henrricus albanensis episcopus subs.

Ego Paulus prenestinus episcopus subs.

Ego Theobaldus hostiensis et velletrensis episcopus subs.

Ego Petrus presbiter cardinalis, tit. Sancte Susane subs.

Ego laborans presbiter cardinalis Sancte Marie transtiberi[m], tit. Calixti, subs.

Ego Pandulfus presbiter cardinalis, tit. XII apostolorum, subs.

Ego Adelardus, tit. Santi Marcelli, presbiter cardinalis subs.

Ego Jacinctus, Sancte Marie in cosmydin diaconus cardinalis subs.

Ego gratianus sanctorum cosme et damiani diaconus cardinalis subs.

Ego Rolandus Sancte Marie in porticu diaconus cardinalis subs.

Ego Petrus Sancti Nycolay in carcere Tuliano diaconus cardinalis subs.

Ego Radulfus Sancti Georgii ad velum aureum diaconus cardinalis subs.

Ego Melior presbiter cardinalis sanctorum Johannis et Pauli, tit. Pamachii, subs.

Datum Verone, per manum Moysi, lateranensis Canonici, vicem agentis Cancellarii, II Nonas May, Indictione quinta, Incarnationis dominice Anno Mº Cº LXXXº VIIº, Pontificatus vero domini Urbani pape III Anno Secundo.

4) Roma, en San Pedro, 6 Junio 1192. Bula de Celestino III. - Liber privil., fol 90 v. - 91 v.

Celesinus episcopus, servus servorum dei, venerabili fratri Martino, Toletano archiepiscopo et Hyspaniarum primati, eiusque successoribus canonice substituendis in perpetuum.

Sacrosancta Romana ecclesia et apostolica ab christo salbatore omnium domino ihesu christo caput et Cardo est ecclesiarum constituta. Non decet igitur a capite membra desidere, set eminenti rationi et superne provisioni capitis obedite. Moderatrix autem discretio capitis singulorum membrorum officiosas actiones considerans unicuique nobilibus venustatis sue dignitatem, sine invidia, sociali caritate custodit. Hac igitur inducti ratione honorem   —224→   nobilis et famose Toletane ecclesie, apostolice sedis propie et specialis filie, volumus conservare. Ideoque, venerabilis frater martine, quem vera in christo caritate diligimus, tuis rationabilibus postulationibus paterne pietatis affectu duximus annuendum.

Per presentem igitur paginam, ad exemplar felicis recordationis Urbani, Gelassii, Calixti, Honorii, Eugenii, Adriani, Alexandri²⁴⁰ et Urbani, predecessorum nostrorum, Primatus dignitatem per Hyspaniarum regna tibi et ecclesie Toletane, auctoritate apostolica, confirmamus. Et primatem te presules Hyspaniarum respicient, et ad te, siquid inter eos questione dignum exortum fuerit, referent, Salva tamen in omnibus apostolice sedis auctoritate. Verum personam tuam in manu nostra propensiori gratia retinentes, censemus ut solius Romani pontificis iuditio eius causa, siqua fuerit, decidatur. Sane Toletanam ecclesiam presentis privilegii stabilitate munimus; Complutensem ei parrochiam cum terminis suis, necnon et ecclesias omnes quas iure proprio ab antiquo possedisse cognoscitur, confirmantes. Episcopales preterea sedes, quas in presentiarum iuste et quiete possides, scilicet, Palentiam, Secobiam, Oxomam, Segunciam et Conquam eidem ecclesie Toletane tamquam metropoli subditas esse decernimus. Reliquas vero que antiquis ei temporibus subiacebant, cum dominus omnipotens christianorum restituerit potestati sue dignatione misericordie, ad capud proprium referendas Decreti huius auctoritate sancimus. Porro illarum dioceses civitatum, que sarracenis invadentibus metropolitanos proprios amiserunt, eo tenore vestre subicimus dicioni, ut quoad sine propriis extiterint, metropolitanis tibi ut proprio debeant subiacere, ita quidem ut in sedibus episcopalibus liberam habeas potestatem episcopos, in castellis vero et villis presbiteros, auctoritate nostra instituere et, prout tibi dominus administraverit, ordinare; scilicet, tam in hiis episcopatibus qui de antiquis ecclesie tue terminis esse noscuntur, quam in illis qui proprium non habuerint metropolitanum. Sique autem metropoles in statum fuerint proprium   —225→   restitute, sue queque diocesis metropolitane restituatur, ut sub proprii regimine pastoris super divini collatione beneficii glorietur.

Preterea quascumque possessiones, quecumque bona, predicta ecclesia Toletana impresenciarum iuste et Canonice possidet, aut in futurum concessione pontificum, largitione regum vel principum, oblatione fidelium seu aliis iustis modis prestante domino poterit adipisci, firma tibi tuisque successoribus et illibata permaneant. In quibus hec propriis duximus exprimenda vocabulis: Ecclesiam sanctorum iusti etpPastoris, Abbatiam Sancte Leocadie, Ecclesiam Sancte Marie de Tochia, ecclesiam Sancte Marie de Batres, ecclesiam Sancti Vincelitii de Monte, ecclesiam Sante Marie de valle ecclesiarum, ecclesiam Sancte Marie de Valadelmelc; ecclesiam de Calatrava; Castrum Alcala, Castrum de Brioga, Castrum Canales, Castrum Alfamim cum pertinenciis eorum; domum regine in Toleto cum hereditate sibi pertinente, domum sancie Sororis Illustris memorie regis Aldefonsi, cum hereditate patris sui Raymundi comitis, quam ipsa consensu fratris sui ecclesie tue donavit et scripto confirmavit; Castrum quoque Bencarencie et aldeam que vocatur Azucuch cum pertinentiis suis et Alcobregam; Decimas quoque omnium regalium reddituum de Sancta Eulalia, de Maqueda, de Ascalona. Statuimus etiam ut universi parrochie tue fines, qui iam deo a[u]ctore a christicolis habitantur, vel qui in futurum a sarracenorum potesta auxiliante domino eripientur, omnino integri tam tibi quam tuis successoribus in perpetuum conserventur. Nomina vero opidorum, que in tua diocesi a dei fidelibus incoluntur, in presenti pagina duximus annotanda: Talavera, Alfamin, Maqueda, Sancta Eulalia, Ulmus, Canales, Maieritum, Alcala, Gadalfaiara, Fita, Pennafora, Belegna, Uzeda, Talamanca, Butracum, Calatalifa, Ascalona, Zurita, Calatrava, Almogera, Alcolea.

Decernimus ergo ut nulli omnino hominum liceat prefatam ecclesiam temere perturbare, aut eius possessiones auferre, ablatas retinere, minuere seu quibuslibet vexationibus fatigare; set omnia integre conserventur, eorum pro quorum gubernatione ac sustentatione concessa sunt usibus omnimodis profutura, Salva sedis apostolice auctoritate. Siqua igitur in futurum ecclesiastica   —226→   secularisve persona hanc nostre constitutionis paginam sciens, contra eam temere venire temptaverit secundo terciove commonita nisi reatum suum digna satisfactione correxerit, potestatis honorisque sui careat dignitate, reamque se divino iuditio existere de perpetrata iniquitate cognoscat, et a sacratissimo corpore ac sanguine dei et domini redemptoris nostri ihesu christi aliena fiat, atque in extremo examine districte subiaceat ultioni. Cunctis autem eidem loco sua iura servantibus sit pax domini nostri ihesu christi, Quatinus et hic fructum bone actionis percipiant et apud districtum iudicem premia eterne pacis inveniant. Amen.

Ego Celestinus catholice ecclesie episcopus subscribo.

Ego Johannes prenestinus episcopus subs.

Ego Pandulfus Basilice XII apostolorum presbiter Cardinalis subs.

Ego Melior, sanctorum iohannis et pauli presbiter cardinalis tit. Pamachii subs.

Ego iohannes, tit. Sancti Clementis cardinalis [et] Tuscanensis episcopus subs.

Ego, Romanus, tit. Sancte Anastasie, presbiter cardinalis subs.

Ego gratianus sanctorum Cosme et Damiani diaconus cardinalis subs.

Ego Gera[r]dus Sancti Adriani Diaconus cardinalis subs.

Ego Soffredus Sancte Marie in via lata [diaconus cardinalis] subs.

Ego Joannes Sancti Theodori diaconus Cardinalis subs.

Ego Gregorius Sancti Georgii ad velum aureum diaconus cardinalis subs.

Ego Lotarius Sanctorum Sergii et Bachii diaconus Cardinalis subs.

Ego Nicholaus Sancte Marie in cosmidin Diaconus cardinalis subs.

Datum Rome apud Sanctum Petrum per manum Egidii, Saucti nicholay in carcere Tulliano diaconus Cardinalis, VII Idus Junii, Indictione Xª, Incarnationis dominice Anno Mº Cº XCº IIº, Pontificatus vero domini Celestini pape Tercii Anno Secundo.

FIDEL FITA.