VI. Acta de entrega de las reliquias de San Eugenio, que estaban en la Abadía de Saint-Denis, en Francia, para ser llevadas á la Catedral de Toledo. Martes 3 abril 1565

Las traducciones, latina y castellana, de este documento preciosísimo vieron la luz pública en el libro que se acabó de imprimir en Toledo por Miguel Ferrer á 14 de Noviembre de 1566, y se intitula: «Copilacion de los despachos tocantes á la translacion del bendicto cuerpo de Sant Eugenio, martyr, primer Arçobispo de Toledo, hecha de la Abbadia de Sandonis, en Francia, a esta sancta Iglesia; Y la relacion del felicissimo viaje que hizo el illustre y muy reverendo señor don Pedro Manrrique, Canonigo de la mesma sancta yglesia, por el dicho sancto cuerpo; Con el solennisimo rescibimiento que se hizo en esta Ciudad de Toledo y otras scripturas a este proposito»⁴³⁸.

El documento original, manuscrito en seis fojas de pergamino, se custodia en la Bibliotheque Mazarine con la signatura 1927 A.

M. Félibieu. menciona la entrega de las reliquias en su Histoire de l'Abbaye de Saint-Denis, páginas 196 y 197; pero no hace ninguna referencia á este documento.

L'AN MIL CINQCENS soixante cinq le vingtiesme iour du mois de Feburier. A Nous René Baillet. Conseiller du Roy en son Conseil priué, & President en sa cour de parlement de Paris. Furent presentées par maistre Anthoine de Ribera beneficié au cueur de la saincte eglise de Tolede & chappelain en la chapelle de la Royne Catherine estant en la dicte eglise. Les lettres closes et pattentes du dict seigneur a nous adressantes, desquelles la teneur ensuit.

––––––––   182   ––––––––

CHARLES par la grace de DIEU, Roy de France. A nostre amé & real Conseiller et President en nostre cour de parlement a Paris, Maistre René Baillet seigneur de Sceaulx salut & dilection. Nous ayant nostre tres cher et tres amé bon frere le Roy Catholique des Espagnes par son embassadeur resident pres de Nous, faict entendre le desir qu'il a de recouurer le corps de Sainct Eugene, qui repose en l'eglise Sainct Denis en France, pour mettre en l'eglise de Tolede de laquelle est patron ledict Sainct Eugene, qui en estoit jadis Archeuesque. Et voulans bien l'acommoder & gratifier, non seulemt de cela, mais aussi en plus grandes choses, comme le requiert la bonne amitié & aliance d'entre nous. Nous luy auons pour ce respect et consideration accordé ledict reliquaire. Vous mandant & commettant par ces presentes que appellez auec vous deux Conseillers de nostredicte cour de parlement, & le vicaire de l'Euesque de Paris vous transporter par ensemble, audict lieu Sainct Denis en France & la appeller l'Abbé ou son vicaire, et les religieux de ladicte Abbaié, apres leur auoir faict entendre la gratification dont nous voulons en cest endroict vser enuers nostredict bon frere, & retirer d'eulx certification pour-ce requisse, vous faire deliurer, prandre et recouurer de leurs mains, toutes les reliques dudict corps Sainct Eugene, lesquelles tirées de la chasse ou elles sont, faictes honnestemen et reuerenment enueloper et mettre en vne malle de clisse que vous ferez bailler & deliurer au porteur des presentes. Auquel vous deliurerez vostre proces verbal que sur ce ferez & dresserez pour iceluy nous rapporter. Et baillerez ausdicts Abbé et religieux suffisante descharge de la deliurance qu'ilz en auront, ainsi que dict est, faicte. Et pour-ce que nous le voulons aussi accommoder de la chasse en laquelle repose ledict corps Sainct. Nous vous mandons que appellez gens a ce cognoissans, vous faciez faire prisée & estimation de la garniture, aornements et estoffe d'icelle, soit d'or, d'argent, ou pierreries, faissant retirer ladict chasse & estoffes en lieu seur, afin d'en estre, cy apres, par nous ordonné, ce que verrons estre a faire, dont, ensemble des outres chosses dessus declarées, ferez autre proces verbal, contenant la valeur de ladicte chasse, que nous enuoyrez, signé de vos mains. Afin que nous puissions sçauoir au vray ceque aurez sur-ce faict

––––––––   183   ––––––––

et executé. De ce faire vous donnons pouuoir, authorité, commission, & mandement especial. Promettant en bonne foy, et parole de Roy, par ces presentes, signées de nostre main auoir agreable, et ratifier quand besoin sera, tout ce que aurez faict en l'effect et execution d'icelles. Et vous en acquitter et descharger pour l'auenir, par tout ou besoin sera. Donné a Tholouze, le sixieme iour de Feburier, l'an de grace, mil cinq cens soixante cinq. Et de nostre regne le cinquiesme, signées CHARLES et au dessoubz. Par le Roy, Delaubespine, et scellées en cire iaune du grand séel dudict sieur. Monsieur le President, pour gratifier le Roy Catholique de la requeste qu'il ma faicte, j'ay faict expedier la commission que ie vous enuoie. A l'execution de laquelle ie vous pry vaquer le plus promptement & diligenment que faire ce poura, sans que la chosse passe en aucune longueur, et m'aduertir incontinent de tout ce que vous aurez faict. Priant DIEU, mons^r le President, vous auoir en sa garde. Escrit a Tholouze, le huict^e iour de Feburier, mil cinq cens soixante cinq, signées CHARLES, et plus bas soubsignées Delaubespine, & suscrites. A Monsieur de Sceaux Conseiller en mon conseil priué, et President en ma cour de parlement de Paris. Suiuant lesquelles, en obtemperant au bon vouloir et commandement dudict sieur Roy, auons appellé auec nous, maistres Adrian du drac, et Philbert de Dyou, conseillers dudict sieur en la dicte cour de parlement. Et pour executer le contenu esdictes lettres. Le dimanche vingtcinqiesme iour des mois et au dessusdictz, Nous sonmes transportez en la compagnée desdictz du drac et de Dyou, de ceste ville de Paris, en ladicte ville de Sainct Denis en France. Auquel lieu arrivez serions ensemblement alez en l'eglise abbatiale de Monsieur Sainct Denis, ou se seroit trouuée ledict maistre Anthoine de Ribera porteur desdictes lettres de commission et en sa presence auions faict entendre a frere Jehan Chambellan prestre religieux de l'ordre Mons^r Sainct Benoist, et grand prieur de l'abbayé dudict Sainct Denis, le contenu desdictes lettres patentes, et volunté dudict sieur, declarée en icelles. Lequel pour y satisfaire et obeir, et au pouuoir a nous donné, auroit a l'instent faict assembler au lieu capitulaire de la dicte Abbaye, tous les religieux d'icelle, lesquelz auroient ensemblément delibéré sur le contenu desdictes

––––––––   184   ––––––––

lettres par nous a eulx a ceste fin delaissées. Et apres aduis sur-ce pris, nous auroient mander audict lieu capitulaire, ou nous auoroient faict response par la voix & organe d'iceluy grand prieur. Que pour l'absence de monsieur le Cardinal de Lorraine, Abbé de ladicte abbaye Sainct Denis, ilz ne pouuoient faire deliurance aucune des reliques du corps de monsieur Sainct Eugene, martyr & disciple de monsieur Sainct Denis, sans auoir la permission et consentement dudict seigneur Cardinal leur Abbé et superieur, estans de leur part bien prestz d'obeyr a la volunte dudict sieur Roy, comme ses tres humbles & tres obeissans seruiteurs et subiectz. Nous requerans auoir copie desdictes lettres pattentes, & delay competent pour en aduertir ledict seigneur Cardinal de Lorraine, ce que leur aurions octroyé, comme iuste & raisonnable, et neanmoins par laduis et conseil desdictz Dudrac & Dedyou, et en la presence dudict maistre Anthoine de Ribera (ce requerant) aurions faict descendre la chasse des reliques dudict Sainct Eugene, estant au dessus del autel de la chapelle dediée & consacrée en ladicte eglise Monsieur Sainct Denis, audict Sainct Eugene. Et par ledict grand prieur, & grand nombre des religieux d'icelle abbaye, vestuz de leurs aulbes blanches, auec bonne quantité de torches et cierges alumez, aurions faict porter honorablement et deuotement ladicte chasse iusques au tressor d'icelle abbaye, ou les principaux ioyaulx et reliques d'icelle, sont gardées, en grand seureté. Et aps auoir faict visiter ladicte chasse, et trouué que le coffret d'icelle ou estoient lesdictes reliques dudict corps Sainct Eugene, estoit rompu & fraxé, pour le long temps qu'il estoit en ce lieu. Aurions commandé faire autre coffret de bois, pour plus seurement metre & conseruer lesdictes reliques, iusques a ce qu'elles fussent baillées et deliurées. Lesquelles deuotement et reueremment remises par ledict grand prieur dedans ledict coffret de bois, auec tous les sangdalles & autres aornemens de soye, dont elles estoient enuelopées. En la presence dudict de Ribera aurions faict fermer & clorre a cloudz ledict coffret. Et sur iceluy, faict mettre et apposer aucuns placquars de cire et parchemyn marquez de noz seigns & cachetz. Et ce faict, iceluy coffret faict mettre et enfermer dans l'une des armaires dudict tresor, iusques a ce que la volunté et

––––––––   185   ––––––––

consentement dudict seigneur Cardinal entenduz, y fust par nous pourueu. Et le sabmedy dernier iour du mois de Mars ensuiuant, aduertiz du vouloir et consentement dudict Seigneur Cardinal de Lorraine, abbé dudict Sainct Denis. Et suiuant lesds lettres patentes. Nous serions, auec lesdictz Dudrac & de Dyou, transportez pardeuers Reuverend pere en Dieu, messire Guillaume Viole, Euesque de Paris, auquel en la presence dudict maistre Anthoine de Ribera, aurions faict entendre le contenu desdictes lettres patentes. Et que suiuant icelles il luy pleut se transporter auec nous audict lieu de Sainct Denis, pour faire bailler & deliurer lesdictes reliques du corps Sainct Eugene, en la forme et maniere contenue par lesdictes lettres patentes. Lequel Sieur Euesque nous auroit declaré, que pour les empeschemens et occupations necessaires en son eglise Cathedrale en ce temps present de Caresme, il ne pouuoit y aler en personne, mais que voluntiers, & de bonne affection, il y enuoiroit ses vicaire ou commis suiuant lesdictes lettres, lesquelz se chargeroient desdictes reliques pour les transporter et mettre au thesaur des reliques Sainctes de ladicte eglise de Paris, iusques a ce que ledict maistre Anthoine de Ribera les voulust receuoir, pour les faire porter seurement en ladicte ville et eglise de Tholede. Ce que auroit esté trouué raisonnable, et consenti par ledict Ribera. Et suiuant icelle deliberation et aduis pris ensemblement. Le dimanche premier iour du mois d'Auril ensuiuant au desusdict serions tous ensemblement alez de Paris, en ladicte ville de Sainct Denis en France, ou se seroient pareillement trouuez maistres Iehan Aleaume docteur en la faculté de Theologie en Paris, chanoine & penitencier de ladiete eglise de Paris, et Jaques Quetier, official et vicaire dudict sieur Euesque de Paris. Auquel lieu en la pnce dudict maistre Anthoine de Ribera, & du Sr. Iehan Gaspard Barquin, docteur es droietz, & bonne partie des principaulx officiers & religieux de ladicte Abbaie monsieur Sainct Denis, ausquelz aurions faict entendre les causes de nostre venue, pour entierement paracheuer l'execution de nostre commission. Lesquelz religieux par la voix & organe de frere Iehan de maubuissons soubprieur dicelle Abbayé, pour l'absence & maladie dudict grand Prieur, Nous auroient faict response, auoir sceu le vouloir & consentement dudict sieur

––––––––   186   ––––––––

Cardinal de Lorraine leur Abbé & superieur, qui leur auroit mandé estre content, pour son regard que en chose si iuste, saincte & religieuse le Roy d'Espagne catholique fust honoré el aecommodé de ce qu'il ausit desir & affection recouurer. Et neanmoins nous auroit au nom desd. abbé religieux, prieur et couuent d'icelle Abbaye Sainct Denis, presenté vn escrit, contenant leurs, remonstrances, qui auroit esté leu en la presence de tous les dessusdictz. Lequel ilz nous auroient requis estre inseré en ce present nostre proces verbal. Ce que leur aurions octroié, duquel la teneur ensuit. Remonstrent les Abbé, religieux, prieur et couuent de l'abbaye monsieur Sainct Denis en France. Que par ordonnance d'icelle abbaye, il est dict, que en chacune chapelle d'icelle il y doibt auoir vn corps Sainct auec sa chasse. Et que transportant le corps et chasse monsieur Sainct Eugene, ce seroit y contreuenir & faire vne diformité en l'eglise de ladicte Abbaye, d'autant que en la chapelle ou estoit & reposoit le sainct corps dudict Sainct Eugene, il n'y en aura plus, s'il ne plaist au Roy & a la Royne moienner enuers le Roy Catholique, que prenant ledict corps sainct, il en donne quelqu'n de ceux qu'il a en ses pais, pour le mettre au lieu dudict Sainct Eugene. Ce faict assistez comme desus desdictz Dudrac & Dedyou, et en la presence et du consentement desdictz soubprieur et autres Religieux dudict Sainct Denis, cy apres nommez, ensemble desdictz penitencier et official vicaires dudict Sieur Euesque de Paris, el pareillemerrt dudz maistre Anthoine de Ribera, auroit deuotement, et en la plus grande solemnité & ceremonies que faire ce peut en tel cas, esté tire des armaires dudict Thesaur de ladicte Abbaye Sainct Denis, le coffret desdictes reliques monsieur Sainct Eugene, et iceluy ouuert, et auant que a riens toucher et manier desdictes reliques, aurions suiuant la requeste a nous faicte par ledict maistre Anthoine de Ribera faict faire le serment ausdictz soubprieur & religieux de ladicte Abbaye Sainct Denis y estans presens et assistans. A scauoir, freres lehan de Maubuisson soubprieur, Pierre pichonnat chantre & commandeur, Francois Valletot tiers prieur et courtelier, Jacques de bossu quart prieur et pannetier, Iacques boursier Thesaurier, Hierosme chambellan, prieur de Sainct Denis destrée, Menault de Hidrecan preuost de

––––––––   187   ––––––––

Tremblag, Loys frizon, soub-thesaurier, Edme de velu preuost de Cormeilles, et Raoul boynin, tous religieux constituez en ordres sacrées de ladicte abbaye. Lesquelz et chacun d'eulx soubz leurs dictz sermens solemnellement faictz, les mains mises au pictz, nous ont dict, iuré & affermé q'ilz auoient tousiours veu la chasse & reliques dudict Sainct Eugene, et icelles tenues, reuerées & honorées en ladicte eglise Sainct Denis, pour les vrayes et sainctes reliques dudict corps monsieur Sainct Eugene martyr, et l'auoir ainsi oy dire & tenir pour certain a tous leurs predecesseurs, sans qu'iIz ayent veu, sceu ne entendu aucunement que l'on y ayt commis aucun dol, fraude ou imposture. Et ce faict, ledict Penitencier auroit deuotement et honorablement tiré dudict coffret de bois, toutes lesdictes reliques, esquelles se sont trouuez soixante trois os du corps dudict Sainct Eugene martyr, tant grands que petiz. Lesquelz ont esté mis et reposez en la presence de nous, et de tous los dessus nommez dedans vn autre coffret couuert de veloux cramoisy rouge, fermant a clef, a ceste fin apporté, auec tous les sangdalz et autres aornemens de soye, esquelz estoient premiérement & antiennement reposez lesdictes reliques, ensemble vn parchemin escrit en langue latine, de grosse lettre Romaine, contenant le temps que l'ancien coffret auoit esté mis dans la chasse que nous auons trouuée, duquel escrit la teneur ensuit.

Anno ab incarnatione Domini 1260. In die Sancto Pasche, que dies fuit Pridie Nonas Aprilis, extractum fuit corpus beatissimi martyris Eugenij Toletane Vrbis Archiepiscopi de quadam capsa veteri eburnea per manus venerabilis patris Mathei vmdocino tunc temporis istius ecelesiæ Abbatis, & por manus eiusdem Mathei de novo repositum in hanc capsam, administrationis suæ anno Tertio. Et per manus reuerendi patris Jeronij Dej gratia episcopi Magditensis.

Et laquelle chasse auons depuis faict priser et estimer par Iehan beaucousin maistre orfeure iuré de la ville de Paris. Et de la dicte prisée & estimation faict nostre proces verbal, a part, comme il nous estoit mandé par lesdictes lettres patentes. Et apres que lesdictes reliques auroient, ainsi que dict est, esté reposées & mises dedans ledict coffret de veloux, aurions iceluy

––––––––   188   ––––––––

faict de liurer ausdictz penitencier & official, qui l'auroient promis mettre et deposer surement au tresor des sainctes reliques de ladicte eglise de Paris, iusques a ce que en eussions fait actuelle deliurance audict de Ribera, porteur desdictes lettres patentes, &, suivant icelles. Et le mardi troisiesme iour dudict mois d'Auril au dessusdict. Nous auroit ledict de Ribera requis luy faire deliurance desdictes sainctes reliques monsieur Saincte Eugene, estans en ladicte eglise de Paris, pour les enuoyer surement en ladicte eglise de Tolede, offrant par luy en bailler descharge suffisante. Surquoy apres auoir conferé en la compagnye desdictz Dudrac & de Dyou, auec ledict Euesque de Paris. Aurjons d'un commun consentement accordé la deliurance desdictes reliques audict de Rivera. Et de faict nous serions a l'instent transporter en ladicte eglise de Paris. Et en icelle ledict Quetier official & vicaire dudict Euesque de Paris. Auroit, en la presence de maistres Vincent maupeon, et Iehan Augirard notaires royaux du chastelet de Paris, baillé & deliuré les dictes reliques Sainctes estans audict coffret audict de Ribera, qui s'en seroit charge, et passé quittance & promesse pardeuant les dictz Maupeon & Augirard notaires susdictz, dout la teneur ensuit. A TOUS CEULX qui ces presents lettres verront Anthoine du prat Cheualier Seigneur de Nantoillet, de Precy & de Rosay, Baron de Thiert & de Toury, Conseiller du Roy nostre Sire, gentilhomme ordinaire de sa chambre & garde de la preuosté de Paris, Salut. Scauoir faisons que pardeuant Vincent maupeon & Iehan augirard notaires du Roy nostredict Seigneur en son chastelet de Paris. Fut present & comparut personellement noble & discrette personne maistre Anthoine de Ribera du roiaume d'Espagne, beneficié au cueur de la Saincte eglise de Tolede, porteur des lettres patentes du Roy données á Tholouze le sixiesme iour de Feburier dernier passé, signées par le Roy, en son Conseil, Delaubespine, & séellés du grand séel de cire iaulne, sur double queue. Lequel de Ribera, en la presence de nobles hommes & sages messieurs maistres René baillet conseiller du Roy en son priué conseil & President en sa cour de parlement a Paris, Adrian du Drac & Philbert de dyou Conseillers du Roy en ladicte cour, et de noble & scientifique personne maistre Iacques Quetier, chanoine & official de

––––––––   189   ––––––––

Paris, & vicaire general de Reverend pere en Dieu, messire Guillaume Viole Euesque de Paris: de son bon gre & bonne volunté sans force ne contrainte aucune, si comme il disoit, Recongunt & confessa auoir eu & receu d'iceluy Seigneur Quetier, official et Vicaire susdict, les sainctes reliques du corps monsieur Sainct Eugene martyr et disciple de monsieur Saint Denis, estans dedans vn coffret couuert de veloux cramoisy rouge, d'un pied & demy de long ou enuiron. Et lesquelles Sainctes reliques estans en iceluy coffret, ont esté apportées suiuant lesdictes lettres patentes dessus datées, de l'eglise et abbaye dudict Sainct Denis en France, en l'eglise de Paris, par ledict sieur Quetier, official & par noble et scientifique personne maistre Iehan aleaume, aussi chanoine & penitencier en ladicte eglise de Paris, et baillées et deliures aussi en la presence desdictz sieurs president Baillet, Dudrac & de Dyou, conseillers susdictz, & d'iceulx notaires sobzscritz audictz de Ribera, pour icelles porter, bailler & laisser aux Archeuesque, chanoines & chappitre de ladicte eglise de Tolede, et en rapporter ou enuoier d'iceulx sieurs Archeuesque, chanoines & Chappitre de ladicte eglise de Tolede, ausdictz sieur President & Conseillers susditz, et Quetier audict nom, vne quittance et descharge suffisante portant certification que icelles Sainctes reliques, auront esté baillées & deliurés par ledict de Ribera, & receues par iceux Sieurs Archeuesque, Chanoines & Chappitre de ladicte eglize de Tolede dedans trois mois prochainement venans. Car ainsi la voulu, consenti & accordé ledict de Ribera, lequel promist oultre en foy & parole d'homme d'eglise, la main pour-ce par luy mise au pictz, & tout le contenu en icelles, auoir agreable, tenir forme & stable a tousiours, sans iamais aler né venir, sur pene de rendre & paier tous coustz, fraiz, mises, despens, dommages et interestz, qui faictz, euz, souffers, sonstenuz et encouruz seroient par default des choses susdictes, ou d'aucunes d'icelles, non faictes, entretenues & non deuement acomplies, ainsi & par la maniere que dict est & en ce pourchassant et requerant, soubz l'obligation & ypotheque de tous & chacuns ses biens meubles et immeubles reuenu et temporel presens et anenir, qu'il en a soubmis et submet pour-ce du tout a la iustice, iurisdiction & contraincte de ladicte Preuosté de Paris. Et de toutes

––––––––   190   ––––––––

antres cours, iustices & iurisdictions on sceuz et trouuer seront. Et renonça en ce faisant. expressement par les dictz foy & serment, a toutes choses generalement quelzconques a ces lettres contraires. Et au droit disant generale renontiation non valoir. En tesmoin de ce, nous a la relation desdictz notaires, auons faict mettre le séel de ladicte Preuosté de Paris a ces presentes, qui faictes & passées furent multiplex, l'an mil cinq cens soixante quattre, selon l'ancienne coustume de France, le mardi troisiesme iour d'Auril, auant Pasques, signé Maupeon & Augirard et séellée de cire verd, sur double queue de parchemin. En tesmoin de ce, et pour aprobation de la verité des chosses desusdictes, auons signé & faict signer ce present nostre proces verbal, par lesditz Dudrac & Didyou, suiuant les dictes lettres patentes, et faict séeller des scaulx de noz armes les an & iour dessusdictz.-Baillet.-A. Dudrac -P. de Dyou.-Sello.

París 1.º Abril 1887.

Por copia,
CESÁREO FERNÁNDEZ DURO.

Boletín de la Real Academia de la Historia [Publicaciones periódicas]. Tomo 11, Año 1887