X. Destrucción de Barcelona por Almanzor, 6 julio 985

Archivo de la Catedral; Cartulario, t. II, fol. 16 v., 11 r.

Hec est reparatio de perditis cartis et instrumentis facta in barchinona a judice eclecto.

Annus domini DCCCCLXXXVI¹⁸², imperante leuthario, XXXI anno,

––––––––   190   ––––––––

die kalendas julii, IIII feria, a sarracenis obsessa est barchinona; et permittente deo, impediente peccata nostra, capta est ab eis in eadem mense, II nonas; et ibidem mortui vel capti sunt omnes habitantibus de eadem civitate vel de eiusdem comitatu, qui ibidem introierant per iussionem de dompno borrello comite ab custodiendum vel ad defendendum eam; et ibidem periit omnem substanciam eorum, quicquid ibidem congregaverant, tam libris quam proceptis regalis, vel cunctis illorum scripturis omnibusque modis confectis per quas retinebant cunctis eorum alodibus vel possessionibus inter eos et precedentes eorum parentibus CC anni et amplius. Inter quas perdite fuerunt scripturas de quadam homo, nomine adam, et uxor sua, nomine dulcidia. Unde predicta dulcidia venit, et petivit consulta ad judice aurutio quid de eorum scripturis agere potuisset. Unde memini[to]¹⁸³ judice interrogavit eam si potebat exinde testes habere, qui ipsas scripturas se dicant audire vel videre. Unde prenominata femina prolata est exinde testes qui eas viderunt vel audierunt, id sunt, daniel bellido et pasquale.

In primis vidimus scriptura emptionis, quod illis fecit gotmar, de terra quod est in terminio de monterolos iusta alia illorum terra; et item vidimus vel audivimus scriptura empcionis, quod illis fecit gelmirus cum filiis suis, de terra qui est a predicto terminio iusta predicta illis terra; et item vidimus scriptura empcionis, quod illis fecit recosindus, de terra qui est a predicto terminio iusta predictas terras; et item vidimus scriptura comutacionis, quod illis fecit dompno vivane pontifice, de terra quod est in eius terminio iusta predictas terras per vinea, quod plantavit predicto adam de domo sancti michaelis; et vidimus scriptura empcionis, quod illis fecit guilara, de terra quod est in predicto terminio iusta predictas terras; et item vidimus scripturas, quod illis fecerunt guantille femina et sorori sua mulier de desiderio, de terra quod est in predicto terminio iusta predictas terras; et

––––––––   191   ––––––––

item vidimus scriptura empcionis, quod illis fecit mascharello, de vinea qui est in eius terminio iusta predictas terras; et vidimus scriptura empcionis, quod illis fecit gelsinda femina, de vinea qui est in eius terminio iusta vinea qui fuit de iohanne; et vidimus scriptura empcionis, quod illis fecit bonus homo, de vinea qui ibidem est iusta vinea qui fuit de firriolus; et item vidimus scriptura empcionis, quod illis fecit steges, de vinea que est in terminio de chasoles¹⁸⁴ iusta vinea de cortes; et vidimus scriptura empcionis, quod illis fecit argenteo, de vinea qui est in terminio de truliolos, iusta vinea qui fuit de chirana femina; et item vidimus scriptura empcionis quod illis fecit recosinda femina cum filiis suis de chasa et curte, qui est in suburbio barchinona ad ipsos archos¹⁸⁵; et item vidimus scriptura empcionis, quod illis fecit mirabilia femina de chasa et solario et curte, quod est in suburbio barchinona ad ipsos archos; et vidimus scriptura empcionis de chasa et solario cum curte, qui est in predicto suburbio, et est iusta alias illorum chasas, quod illis fecit rosso; et item vidimus scriptura empcionis, quod illis fecit salvator ebreo, de vinea qui est in terminio de monterolos iusta vinea de audesindo iudice.

Quia nos suprascripti testes iuramus, in primis, per deum patrem omnipotentem et per ihesum christum filium eius sanctumque spiritum, qui est in trinitate unus et verus deus, et per hunc locum venerationis sancti clementis martiris domini nostri ihesu christi, cuius baselica¹⁸⁶ sita est in saburbio barchinona intus in domum sancta maria¹⁸⁷ qui est ad occidentale parte, supra euius sacrosancto altario has conditiones manibus nostris continuimus, vel iurando contangimus, quod nos supradicti iam dictas scripturas ex parte de eas audivimus legere et ex parte vidimus scribere, et per ipsas scripturas ipsos alodes quietos tenere et firmiter habere ad istos supranominato adam vel uxori sua prenotata; et in die submersionis¹⁸⁸ barchinona predicte scripture

––––––––   192   ––––––––

ibi perdite fuerunt¹⁸⁹; et hodie secundum legis ordine¹⁹⁰ eadem textu presenti scripture de ipsas scripturas renovata est; et ea que scimus recte et veraciter testificamus atque iuramus.

Per super hanc nixum iuramentum in domino et ego dulcidia femina sic iuro omnia et in omnibus quia, quantum isti testes hic testificaverunt in istum iudicium, verum est, et nulla fraus nec malo ingenio hic impressa non est; set de nostris iustis rebus eadem paginola per hordinatione de iudice aurutio eam renovo.

Late conditionis XVI kal. novembris, Anno I regnante ugo magnus vel rex¹⁹¹.

S.¹⁹² † Daniel. S. † bellido. S. † pasquale. Nos testes sumus et hunc sacramentum iuramus.

S. † Dulcidia femina, qui hunc iudicium iussi fieri vel iuravi, et testes firmiter firmare rogavi.

S. † sesenandus. S. † salamone. † paulo. Isti auditores fuerunt.

S. † Aurucius iudice.

S.† Seniofredus presbiter, qui hec scripsi et signavi die et anno quod supra.

El mejor comentario á este documento, cuyas primeras líneas publicó Diago¹⁹³, es el que ha hecho Dozy¹⁹⁴: «D´après Ibn-al-Khatib, Barcelone fut prise, le lundi, au milieu de Çafar l´année 375. Ce jour répond au 6 juillet 985.»

FIDEL FITA.

Madrid, lunes, 6 Julio 1885.

Boletín de la Real Academia de la Historia [Publicaciones periódicas]. Tomo 7, Año 1885