Apéndices a la vida de Roger de Lauria⁽²⁵⁸⁾.

- I. -

     Noverint universi praesentem paginam inspecturi. Quod nos Petrus etc. Attendentes merita probitatis prudentiae et devotionis nobilis Rogerii de Loria dilecti militis consiliarii et familiariis nostri de quibus excelentia nostra plenam gerit fiduciam ab experto officium Amiraciae regni Cathaloniae et Siciliae eidem duximus fiducialiter comitendum exercendum per eumdem ad honorem et fidelitatem culminis nostri usque ad nostrae bene placitum voluntatis. Mandantes universis et singulis hominibus armatae eiusdem quod ipsi Rogerio tamquam Almirallo nostro pareant fideliter et intendat in omnibus quibus Amiratis praedecesoribus suis officium ipsum gerentibus sunt intendere et parere. Dantes et concedentes dicto Rogerio plenariam potestatem faciendi si oportuerit ab hominibus stolii seu armatae praedictae et de omnibus aliis hominibus qui sunt de foro Amiraciae pradictae ratione jurium ipsius officii tam in mari quam in terra justitias civiles et criminales et omnia alia exercenda circa dictum officium quae consueverunt exerceri per alios Amiratos cui Amirato nostro praedicto concedimus quod habeat, et percipiat iura omnia quae ad praedictae Amiraciae officium pertinere noscuntur. In cujus rei testimonium praesens privilegium fieri jussimus et sigillo pendenti nostri fecimus communiri. Dat. Mesanae, duodecimo kalendas Maij anno Domini millesimo ducentesimo octuagesimo tertio.

Vidas de los españoles célebres      Manuel José Quintana; prólogo de Antonio Ferrer del Río

Marco legal