|
||||
  - II. -Provisión de Jaime II por la que se obliga a no pedir a los sucesores y herederos de Roger cuentas ningunas de la administración del Almirante en caso de que muera sin darlas (7 de marzo de 1291). Jacobus etc. Bono animo et spontanea voluntate etc. per nos et per omnes haeredes et succesores nostros promitimus bona fide vobis nobili Rogerio de Loria fideli nostro Almirato Aragoniae etc. a nobis legitime stipulanti pro vobis et pro omnibus haeredibus et succesoribus vestris et Petro Marti notario publico Barchinonae a nobis legitime stipulanti nomine ipsorum haeredu et succesorum vestrorum, quod si contingat vos finire dies vestros antequam nobis reddideritis compotum seu rationem de gestis et administratis per vos in officio vestri Almiratus vel de quibuscumque aliis quae usque ad dies obitus vestri de bonis nostris ex quacumque alia causa receperitis procuraveritis et administraveritis, nos non movebimus nec moveri faciemus nec moveri sustinebimus post obitum vestrum contra haeredes succesores vestros ex testamento vel ab intestato, nec contra testamenti exequtionem et commissarios testamenti seu ultimae voluntatis vestrae, nec contra quoscumque alios nomine vel ratione vestri aliquam petitionem quaestionem demandam vel causam in judicio vel extra judicium, nec exigemus a praedictis haeredibus et succesoribus vestris, nec ab aliis quibuscumque personis aliquibus rationibus supra expressis, vel aliis quibuscumque, ita etiam quod ibi assereremus nos in vobis invenisse faticam de computo reddendo, vel etiam penes vos aliquid modo aliquo remansisse, et non posimus contra vos et haeredes et succesores vestros allegare proponere vel dicere nos fatigam de compoto reddendo in vobis invenisse, nec etiam per dolum per vos vel per haeredes aut successores vestros aliquid remansisse. Immo qualicumque actione vel jure contra vos vel haeredes aut successores vestros agere possemus, illi actioni et juri penitus renunciamus facientes vobis et vestris haeredibus et successoribus et notario infrascripto, nomine ipsorum haeredum et succesorum vestrorum per nos omnes haeredes et successores nostros de praedictis omnibus et singulis bonum etc. haec omnia praedicta et singula ut superius dicta sunt promittimus per nos et omnes haeredes et successores nostros vobis et notario infrascripto a nobis legitime stipulanti pro vobis et pro omnibus haeredibus et successoribus vestris tenere complere et observare perpetuo et non in aliquo contravenire aliquo jure causa vel ratione. In cuius rei testimonium praesens instrumentum jussimus fieri per praedictum Petrum Marti notarium publicum Barchinonae, et fecimus sigillo nostro sigillari. Actum est hoc Barchinonae, nono idus Martij, etc. -Signum. (Según el registro pertenece al año de 1291.)
|
