- III. -

Provisión del mismo rey, en que se contienen las diferentes gracias y la autoridad adictas al empleo de almirante mientras sea ejercido por Roger (2 de abril de 1297).

     Jacobus Dei gratia Rex Aragonum, Majoricae, Valentiae et Murciae, Comesque Barchinonae ac Santae Romanae Ecclesiae Vexillarius Ammiratus et Capitaneus generalis: Praelatis Ecclesiarum Comitibus, Baronibus, Procuratoribus, Vicariis, Justitiis, Capitaneis, et caeteris aliis quibuscumque officialibus et personis per omnia Regna Aragonum, Majoricae, Valentiae et Murciae, Cerdenyae et Corcicae ac Comitatus Barchinonae constitutis tam praesentibus quam futuris dilectis et fidelibus suis, salutem et dilectionem: Ad eximiae laudis et famae praeconium magnificencia regalis extollitur dum subjectos quos extrenuitas, fidelitatis integritas et generis nobilitas corroborant et decorant honoribus et dignitate sublimant: Attendentes igitur extrenuitatem nobilis Rogerii de Loria Regnorum nostrorum et Comitatus praedictorum Ammilati dilecti consiliarii familiaris et fidelis nostri devotionis et fidei grata servitia per eum praestita Illustribus Dominis parentibus nostris et nobis et quae nobis confert et in futurum auctore Domino conferre poterit gratiora nec minus labores et pericula quae in stragem et confusionem nostrorum hostium subiit et etiam subire paratus per exaltationem nostri nominis et honoris, eumdem Rogerium omnium Regnorum nostrorum et Comitatus praedictorum Ammiratum in tota vita sua duximus statuendum, volentes et praesentium tenore mandantes quod idem Ammiratus per se suosque Vice-Admiratos ordinatos et alios Commissarios et nuncios suos praedictum Ammiratiae officium in omnibus Regnis et Comitatu praedictis toto tempore vitae suae ad honorem et fidelitatem nostram nostraeque Curiae... et profectum fideliter et diligenter exerceat et faciat exerceri. Et ut circa diligentem et legalem constructionem et reparationem vassellorum nostrae Curiae quae processu temporis reparari et de novo fieri et construi contigerit efficatius et studiosus intendatur: volumus et praecipimus quod idem Ammiratus per se et ordinatos suos in constructionibus et reparationibus praedictorum vassellorum quoties ea reparari fieri et construi de mandato nostro opportebit curam et cautelam adhibeat et faciat adhiberi. Quodque in singulis tercianatuum praedictorum Regnorum et Comitatus debeat et possit statuere loco sui unum vel duos probos et legales viros qui intersint sciant et videant ad occulum constructionem et reparationem praedictorum vassellorum construendorum et reparandorum et omnes expensas propterea faciendas et de introitu et exitu totius pecuniae et rerum expendendarum et recipiendarum perillos qui ad hoc sunt per nostram Curiam statuti et in antea statuentum plenam notitiam et conscientiam habeant. Ita quod eosdem Ammiratum et ordinatos suos nihil ex inde lateat quoquomodo et de introitu praedictae pecuniae et aliarum rerum et expensis faciendis in constructione et reparatione vassellorum ipsorum fiant tres quaterni consimiles quorum unus sub sigillis singulorum statutorum per nostram Curiam super praedicta constructione et reparatione penes praedictum Ammiratum remaneat, alium praedicti statuti per Curiam sub sigillis praedictorum ordinatorum per praedictum Ammiratum sibi retineant et tertius sub sigillis praedictorum estatutorum et dicti Ammirati nostrae Camerae annis singulis transmittatur. Nemini quoque in eisdem Regnis et Comitatu liceat contra quosqumque per mare hostiles discursus et piraticam exercere sine licentia praedicti Ammirati et illius quem ad hoc loco sui duxerit deputandum. Ita tamen quod ipse et ordinati sui priusquam per eos super hoc personis aliquibus licentia concedatur, recipiant ab eis idoneam et sufficientem fideiussoriam cautionem de non offendendis amicis fidelibus et devotis nostris in personis vassellis mercibus et rebus eorum. Quodque si eos postmodum offendere impedire vel molestare praesumpserint tam offendentes et molestantes eosdem, quam fideiussores propter ea dati, ad integram emendam et restitutionem pecuniae et aliarum quarumcumque rerum et mercium ab ipsis amicis et fidelibus ablatarum per praedictum Ammiratum et statutos suos cohertione qualibet compellantur. Et si forte ipsi et fideiussores praestiti insufficientes et non solvendi fuerint idem Ammiratus totum deffectum et insufficientiam eorum supplere de suis bonis propriis teneatur ad quod se voluntarie obligavit. Si vero aliquis de nostris fidelibus per aliqua vassella aliquarum communitatum et specialium personarum comunitatum ipsarum per mare dirrobari et capi contingerit statuimus et praecipimus quod praedictus Ammiratus comunitatem seu comunitates illas per quam seu quas cuius seu quorum speciales personas dicti fidelis nostri more piratico seu alia quavis causa dirrobabuntur et capientur per mare per suas litteras requirere debeat ut nostris fidelibus dampna passis vassella pecuniam merces et omnes alias res eorum ab eis praedicto modo ablatas et captas restituat et restitui faciat. Et si praedictae communitates vel earum aliqua receptis praedicti Ammirati litteris praedicta dampna praedictis nostris fidelibus restituere et resarcire neglexerint idem Ammiratus auctoritate praesentium super bonis et rebus et de bonis et rebus communitatis seu communitatum quae seu cujus speciales personae contra praedictos fideles nostros praedictam dirrobationem et piraticam exercebunt et emendam et restitutionem facere neglexerint quae ubicumque per Regna nostra inveniri poterunt praedicta dampna praedictis nostris fidelibus restituat et faciat integraliter resarciri. Volumus in super quod de causis et quaestionibus tam civilibus quam criminalibus quae inter homines generalis et specialis armatae nostrae et quorumlibet vassellorum armandorum ad exercendum piraticam movebuntur idem. Ammiratus et ille quem ad hoc loco sui statuerit summarie secundum statutum et consuetudinem armatae ad suum arbitrium cognoscat et singulis conquerentibus justitiam administret quam cognitionem exerceat et exerceri faciat de causis et questionibus videlicet quas moveri contingat a quindecim diebus in antea postquam pro praedicta armata et vassellis armandis incipient solidi exhiberi usque ad quindecim dies postquam vassella ipsa fuerint exarmata. Concedimus etiam eidem Ammirato quod homines deputati et deputandi ad servitia nostrarum tercianaruum de quaestionibus civilibus et criminalibus auctoribus seu accusatoribus coram praedicto Ammirato et ordinatis suis et non officialibus aliis respondere in judicio compellantur et causae ipsae per eum secundum justitiam fine debito terminentur. Volumus praeterea quod idem Ammiratus comitos deputatos et deputandos ad armatam nostri felicis extoliii quos ad hoc insufficientes et minus utiles viderit ab officio comitiae ipsius amovere valeat et loco eorum alios in arte maris expertos idoneos et sufficientes ad hoc in eodem officio deputare. Ceterum quia multa et diversa servitia incumbentia in nostra Curia sic mentem nostram undique occupant quod ad exequendum et expediendum omnia pertinentia exaltationi nostri nominis et honoris vaccare comode non valemus, ut per illorum industriam de quibus confidimus defectos hujusmodi suppleatur, providimus et precipimus quod idem Ammiratus tempore tam guerrae quam pacis per praedicta regna nostra et comitatum absque mandato nostrae celsitudinis et quorumcumque nostrorum officialium de pecunia nostrae Curiae sibi per nos seu officiales ejusdem Curiae assignanda in quantitate sufficienti, quam propterea requisiverit, possit armare usque ad galeras duas deputandas at nostra servitia et alia requirentia negotia quae pro exaltatione et honore nostro tunc temporis imminebunt. Ad hoc cum idem Ammiratus et ordinati sui de pecunia et rebus aliis solutis et solvendis per eos pro praedicta armata et negotiis aliis propter perplexitates multorum negotiorum recipere nequierit apodixas, volumus et mandamus quod idem Ammiratus de pecunia et rebus aliis quas per se et ordinatos sues propterea receperit et solverit, ponat nostrae Curiae per quaternos tantummodo finalem et debitam rationem et de his stetur fidei quaternorum ipsorum instrumentis apochis et cautelis aliis omnino exclusis. Si vero et in debellatione et conflictu extollii et rebellium et inimicorum nostrorum Ammiratum ejusdem extollii per nostrum felix extollium in quo idem Ammiratus praesit capi contingerit, volumus et dicto Ammirato nostro concedimus quod Ammiratum extollii revellium et hostium nostrorum cum omnibus rebus suis in eodem extollio existentibus habeat suis utilitatibus applicandum. De navibus quoque et aliis quibuscumque vassellis capiendis per praedictum nostrum extollium idem Ammiratus habeat et habere debeat omnia arma et ropas usitatas pecias pannorum non integras sed incisas saccarias et inbolias vacuas in eisdem vassellis et navibus existentes. Et si naves et vassella ipsa frumento et ordeo fuerint onerata idem Ammiratus de victualibus oneratis in qualibet navium et vassellorum ipsorum habeat, usque ad palmum unum in oireo in paliolis cujuslibet navis et vasselli ipsius quae suis commoditatibus adquirantur. Habeat praeterea idem Ammiratus annis singulis pro expensis suis de pecunia Curiae nostrae a die videlicet quo armata ipsa fiere incipiet usque quo completa fuerit die quolibet sexaginta solidos Barchinonae. Ad hoc volumus et mandamus quod praefatus Ammiratus habeat et habere debeat omnia vasa armati nostri extollii ad navigandum inutilia et non apta vireda etiam affisos et alia guarnimenta nostrae Curiae vetera inutilia existentia in nostris tercianatibus et extra tertianatos eosdem suis utilitatibus applicanda, proviso prius per aliquos providos et discretos viros la arte maris expertos per nos ad hoc eligendos, quae vasa praedicta sint ad navigandum inutilia et non apta. Concedimus equidem praedicto Ammirato de gratia speciali quod de Sarracenis capiendis cum nostri vassellis armandis per eum vel alios de mandato suo ipse vicesimam partem consequatur et habeat reliquis partibus Sarracenorum ipsorum fisci nostri commoditatibus applicandis. Concedimus ei etiam ut si contingat eumdem Ammiratum sua pendentia et tractatu a Sarracenis quibuslibet aliqua forsam solita recuperare tributa seu servitia, et insolita in nova adquirere tributis solitis et insolitis antiquis et noviter adquisitis nobis integre remanentibus ad quantitatem aequalem decimae praedictorum tributorum ipso Ammirato Sarracenos cogente praedictos eum ad opus suum illam de speciali gratia volumus obtinere. Naves vero et vassella exterorum sive extraneorum quae in Regnorum nostrorum partibus naufragium patiuntur, de quo naufragium jus consuetum et debitum nostra Curia consequitur, idem Ammiratus habeat suis utilitatibus acquirendis seu etiam acquirenda. Praedicto enim Ammirato concedimus quod habeat et habere debeat omnia jura quae Ammirati alii praecessores sui ratione Ammiratiae officii tam a Curia quam a marinariis et aliis per mare navigantibus consueverunt recipere et habere. Attendentes itaque pericula et labores immensos quae pro nobis sustinuit et sustinet Ammiratus praedictus, concedimus eidem de liberalitate mera et gratia speciali quod de omnibus rebus et mercibus licitis et permissis quas de suo proprio emi fecerit honerari immiti et extrahi in quibuscumque et de quibuscumque portubus et locis maritimorum Regnorum et Comitatus praedictorum nullum jus nostrae Curiae solvere teneatur: volentes ac universis et singulis officialibus nostris praesentium tenore mandantes quod ab eodem Ammirato et ejus nuntiis de rebus et mercibus emendis per eum et ejus nuntios de sua pecunia propia honerandis immittendis et extrahendis in quibuscumque et de quibuscumque portubus et locis maritimorum Regnorum et Comitatus nostrorum praedictorum nullum jus ab eodem Ammirato et suis nuntiis exigant nec per alios exigi patiantur. Ut autem in armatae nostrae negotiis cujuscumque occasionis pretextu nullus deffectus eveniat quoquomodo, volumus et vobis universis et singulis officialibus et personis per praedicta Regna nostra et Comitatum constitutis tenore praesentium mandamus, quod eidem Ammirato et ordinatis suis de omnibus quae ad ipsius armatae negotia expectare noscuntur ad honorem et fidelitatem nostram devote pareatis et efficaciter intendatis. Dat. Romae, quarto nonas aprilis, anno Domini milesimo ducentesimo nonagesimo septimo.

Vidas de los españoles célebres      Manuel José Quintana; prólogo de Antonio Ferrer del Río

Marco legal