  - V. -
Breve del papa Bonifacio VIII al rey de Aragón pidiéndole que defienda a Roger de las
correrías que algunos émulos suyos haces en sus tierras (1.º de octubre, año 6.º de su pontificado,
esto es, de 1300).
Bonifacius Episcopus Servus servorum Dei carissimo in Christo filio Jacobo Regi Aragonum
illustri salutem et apostolicam benedictionem. Grata et utilia servitia quae dilectus filius nobilis vir
Rogerius de Loria nobis et Romanae Ecclesiae jam impendit et iugiter continuato studio impendere
non desinit, promerentur ut idem nobilis nos et apostolicam Sedem non solum circa conservationem
suorum bonorum et jurium, verum etiam in gratiarum exhibitione debeat favorabiles invenire. Ex parte
siquidem eiusdem nobilis gravius nobis est oblata querela quod Gilibertus de Castronovo et nonnulli
alii milites de partibus Aragoniae et Cataloniae ad sugestionem ut creditur quorumdam aemulorum
suorum de partibus supra dictis in castris et terris quae dictus nobilis in eisdem partibus obtinet et
graves molestias et dispendiosa gravamina per pignorationes depredationes multiplices et aliis diversis
modis inferre praesumunt. Nos igitur volentes huiusmodi molestias et gravamina per tuae potentiae
praesidium submoveri, Regalem Excellentiam rogamus et hortamur attente quatenus praedictum
nobilem habens pro nostra et praedictae sedis reverentia propensius commendatum eum a praedictis
militibus et quibuslibet aliis dictarum partium eidem iniuriantibus favorabiliter tuearis, iniuriatore
huiusmodi potestate tibi tradita efficaciter compescendo. Huiusmodi autem preces nostras Celsitudo
Regia sic admittat quod memoratus nobilis eas sibi sentiat profuisse. Nosque serenitatem tuam
possimus exinde dignis in Domino laudibus commendare. Dat. Anagniae, kal. Octob. Pontificatus
nostri anno sexto.
Vidas de los españoles célebres
Manuel José Quintana; prólogo de Antonio Ferrer del Río
|
 
|
|
