|
||||
  - VI. -Testamento de Roger (1291). Noverint universi quod nos Rogerius de Luria regnorum Aragoniae et Ceciliae Almiratus, gratis et spontanea voluntate, ac sola propria devotione ductus, damus et offerimus cura testimonio huius praesentis publici instrumenti corpus nostrum Deo, et beatae Mariae monasterii Sanctarum Crucum, et ibidem eligimus sepulturam in manibus, et potestatem vestri fratris Natalis Cellerarii majoris nomine fratris Bonati Abbatis, et conventus ejusdem monasterii: promittentes vobis, et conventus eiusdem loci legitima stipulatione quod si in Catalonia, vel in regni Aragonum, Valentiae, et Majoricae nos mori contingerit, quod ad praedictum monasterium nostrum corpus afferatur, et ibidem sepeliatur, et quod nullo tempore de praedictis voluntatem nostram praesentem mutemus, nec in alio loco in praedictis partibus Cataloniae, Aragonum, Valentiae et Maioricae sepulturam nostram eligamus. Et si forsitam alibi eligemus in praedictis partibus, illud penitus ex certa scientia revocamus. Et si extra partes praenominatas nos fortase mori contingeret, sepeliri in dicto monasterio nulatenus teneamur. Et quod corpus nostrum sepeliatur in solo dictae ecclesiae ad pedes sepulcri Illustrisimi Domini Regis Petri clarae memoriae ubi sepultus est quod plane, sicut per solum aliud ecclesiae super lapidem sepulturae suprapositum possint euntes lapidem ipsum pedibus calcare; et quod in lapide ipso fiat suprascriptio litterarum ad nostrum beneplacitum sicut concessum est nobis pervos, et conventura dicti monasterii juxta tenorem instrumenti perpetuum inde confecti. Et ut praedicta omnia, et singula melius, et firmius a nobis attendantur, et compleantur, juramus super sancta quatuor Dei evangelia nostris propriis manibus tacta supradicta omnia attendere, et complere, et non aliquo contravenire aliquo tempore, modo aliquo, jure, ratione, vel causa sic Deus nos adjuvet, et ejus crux, et sancta evangelia. Quod est actum quarto idus Septembris, anno Domini millesimo ducentesimo nonagesimo primo. -Sig num Rogerii de Luria supradicti, qui praedicta omnia concedimus et firmamus firmarique rogamus. -Sig num Raymundi Dez-prats. -Sig num Leonardi nostri dicti Domini Almirati testium. -Z Ego Michael Gasoi publicus not. Illerdae hoc instrumentum auctoritate regia a memor. per me recepi scribi feci, et clausi et his omnibus suprascrips. praesens fui, et hoc sig num imposui...
|
