Selecciona una palabra y presiona la tecla d para obtener su definición.

ArribaAbajo

Número 7

Victoria de un godo llamado Juan en las cercanías de Barcelona y donaciones que le hicieron Carlo Magno y Ludovico Pío: BALUCIO, Append. in Capit.: �Histoire generale du Languedoc�.

     In nomine Patris et Filii et Spiritus Sancti. Karolus serenisimus gratia Dei rex Francorum et Longobardorum ac patricius Romanorum. Notum sit omnibus episcopis, abbatibus, ducibus, comitibus, vel cunctis fidelibus nostris tam presentibus quam futuris. Rectum est regalis potestas illis tuitionem impertiat quorum necessitas comprobatum. Igitur conoscat almitas restra qualiter Joanne ad nos veniente et ostendit nobis epistolam quam dilectus filius noster Ludovicus ei fecerat et per ipsum ad nos direxit. Et invenimus in ipsa epistola insertum quod Joannes ipse super hereticos sive Sarracenos, infideles nostros magnum certamem certavit in pago Barchinonense, ubi superavit eos in locum ubi dicitur ad Ponte, et occidit jam dictos infideles et cepit de ipsis spolia; aliquid exinde dilecto filio nostro obtulit, equum optimum et brunia optima et spatam Indiam cum techa de argento parata; et petierat in pago Narbonense villare heremum ad laborandum quem dicunt Fontes. Ille vero dedit ei ipsum villane, et direxit eum ad nos. Et cum ad nos venisset cum ipsa epistola quam filius noster ei fecerat in manibus nostris se commendavit; et petivit a nobis jam dictus fidelis noster Joannes ut ipsum villare quod filius noster ei dederat, concedere fecissemus. Nos vero concedimus ei ipsum villarem et omnes suos terminos et pertinentias suas ab integre et quantum ille cum hominibus suis in villa Fontejoncosa occupavit vel occupaverit, vel de heremo traxerit, vel infra suos terminos, sive in aliis locis, vel villis, seu villare occupaverit, vel aprisione fecerit cum hominibus suis: Haec omnia concedimus ei por nostrum donum, ut habeat ille et posteritas sua absque ullo censu aut inquietudine, dum nobis aut filiis nostris fidelis extiterint: Quatenus vero auctoritas firmior habeatur, de anulo nostro subter sigillavimus.

     Gilabertus ad vicem Radoni recognovit et supscripsit.

     Data in mense marcio anno XXV et XVIII regni nostri. Actum Aquisgrani palatio nostro in Dei nomine feliciter. Amen.

     In nomine Domini Dei et Salvatoris nostri Jesu Christi. Illudovicus divina providentia imperator augustus, omnibus fidelibus Sanctae Dei Ecclesiae tam nostris presentibus scilicet et futuris. Notum sit qualiter quidem homo fidelis noster nomine Joannes venians in nostra presentia... quae in manibus se commendavit et petivit nobis sua aprisione quicquid genitor noster ei concesserat ac nos, et quicquid ille occupatum habebat aut aprisione fecerat, vel deinceps occupare aut prendere potebat, sive filii sui cum homines eorum, et ostendit nobis exinde auctoritate quod genitor noster ei fecit. Nos vero alia ei facere jussimus, sive amelioravimus et concedimus eidem fideli nostro Joanne in pago Narbonense villane Fontes et villane Cella carbolinis cum illorum terminos et pertinencias cultum et incultum ab integre et quantum ille in villa Fontejoncosa vel in suos terminos, sive in aliis locis, vel villis suae villares oceupavit, sive aprisionem fecit una cum suis hominibus, vel deinceps facere poterit, tam ille quam filii sui omnia per nostrum donitum habeant ille et filii sui et posteritas illorum absque ullum censum vel alicujus inquietudine. Et nullus comes nec vicarius nec juniores eorum nec ullus judex publicus, illorum homines que super illorum aprisione habitant, aut nullorum proprio distingere nec judicare presumant: sed Joannes et filii sui et posteritas illorum illi eos judicent et distringant et quicquid per legem judicaverint, stabilis permaneat et si extra legem fuerint per legem emendent. Et haec auctoritas nostra firma permaneat, dum ille et filui sui et posteritas illorum ad nos et ad filios nostros aut ad posteritate illorum fideles extiterint. Et ut credatis, de anulo nostro impresione signari jussimus. Durandus diaconus ad vicem Helisachar recognovit. Data kal, januarias anno Christo propicio I imperii domni Illudovici piisimi augusti indict VIII. Actum Aquisgrani palacio regio, in Dei nomine feliciter. Amen.

     In nomine Sanctae et individuae Trinitatis. Karolus gratia Dei rex. Si fidelium nostrorum petitionibus benignum commodamus assensum, regiam exercemus consuetudinem, et hoc post modum jure firmissimo mansurum esse volumus. Id circo notum sit omnibus S. Dei Ecclesiae fidelibus et nostris presentibus atque futuris, quia quidam fidelium nostrorum regni Septimaniae vassus noster, nomine Teofredus, nostris obtulit obtutibus auctoritatem avi nostri Karoli, qua continebatur qualiter patri suo, nomine Joanni praescriptus bonae memoriae avus noster Karolus concesserat villarem ad laborandum qui vocatur Fontes, cum omni sua integritate et quantumcumque ille Fontejoncosa de heremi vastitate traxit cum suis hominibus. Ostendit etiam nobis epistolam domini et genitoris nostri Illudovici piisimi Augusti ad Sturmionen comiten directam ut predictam villam, id est. Fontes, memorata Joanni absque ullo censu et inquietudine habere dimitteret. Propter quam epistolam avus noster Karolus, ut in sua auctoritate continetur illi fieri jussit hoc. Inde et predictus fidelis noster nostram deprecatus et misericordiam, ut nos denuo praedictam villam, quemadmodum domnus avus noster augustus ac serenissimus augustus genitor noster patri suo per eorum litteras confirmaverunt nos denuo illi cum sua integritate vel termino confirmare dignaremur. Quapropter et has litteras nostras illi fieri jussimus per quas volumus atque firmamus ut predictus qui moderno habet fidelis noster Teodefredus, saepedictam villam Fontes perpetuo tenere, habere et absque ullius inquietudine possidere. Et condono tibi quid pater tuus aut Vinlimurus avunculus tuus aut homines illorum in villa Fontejoncosa habuerunt per apprisione, cultum vel incultum... tu fecisti sive feceris cum homines tuos, absque paratas aut veredos et habeas, nec non posteritas tua absque censu. Et ut haec auctoritas confirmationis nostrae firma valeat permanere de anulo nostro subter eam jussimus sigillari. Jonas diaconus ad vicem Illudovici recognovit et subscripsit. Data non. jun. anno IIII indictione VII regnante Karolo gloriosisimo rege. Actum in monasterio Sancti Saturnini prope Tolosa, in Dei nomine feliciter. Amen.

Arriba